O‘zining sportga muhabbati va fidoiy jamoalari bilan tanilgan Toshloq tumani bu gal ham o‘zgacha ruhda yashadi. “Davlat xavfsizlik xizmati kubogi” doirasida o‘tkazilgan mini-futbol va futbol bo‘yicha final uchrashuvlari haqiqiy sport bayramiga aylandi. Tantanali tadbirda tuman hokimi Abduqahhor Jurabayev, tuman prokurori Rustamjon Sobirov, IIB boshlig‘i Avazxon Kattabekov hamda tuman hokimining o‘rinbosarlari ishtirok etib, g‘olib va faol jamoalarni tabriklashdi. Musobaqa nafaqat g‘olib va mahoratli futbolchilarni, balki Toshloq sport muhitining jonli, faol va yuksak ruhda ekanini yana bir bor namoyon etdi. 🏆 Sport ruhi – barcha yuraklarda! ⚽️ Toshloq – g‘alabalar maskani!