Bugun Toshloq tumani hokimi Abduqahhor Djurabayev fuqarolar bilan navbatdagi ochiq muloqotini o‘tkazdi. Qabul zalini odamlar samimiylik, ishonch va umid hissi bilan to‘ldirdi. Qabulga kelgan fuqarolar turli yo‘nalishlardagi masalalar — uy-joy, yer ajratish, tadbirkorlikni rivojlantirish, yo‘l ta’miri, ichimlik suvi ta’minoti, ta’lim va tibbiyot sohasidagi muammolar haqida so‘z yuritishdi. Har bir murojaat diqqat bilan eshitildi, masalalar bo‘yicha joyida qarorlar qabul qilindi. Hokim Djurabayev har bir fuqaro bilan ochiq va samimiy suhbatda bo‘lib, “murojaat — bu muammo emas, balki yechimga olib boruvchi qadam” ekanligini ta’kidladi. Uning tashabbusi bilan bir qator muammolar shu yerning o‘zida hal etildi, qolganlari bo‘yicha esa mas’ul idoralarga aniq vazifalar yuklatildi. Qabul so‘nggida fuqarolar hokimiyat tomonidan ko‘rsatilayotgan e’tibor va amaliy yordam uchun minnatdorlik bildirdi. Ular aytishicha, bunday ochiq muloqotlar insonlarning davlatga bo‘lgan ishonchini yanada mustahkamlaydi. 💬 “Har bir fuqaro ovozi eshitiladigan, har bir muammo yechim topadigan Toshloqni barcha birgalikda bunyod etamiz,” — dedi Abduqahhor Djurabayev qabul yakunlarida.