Toshloq tumani 22-sonli musiqa va san’at maktabida Alisher Navoiy va Zahiriddin Muhammad Bobur tavalludiga bag‘ishlangan “Ajdodlar merosi — kelajak poydevori” shiori ostida ma’naviy-ma’rifiy va adabiy-badiiy kecha o‘tkazildi. Tadbirni tuman hokimi Abduqahhor Djurabayev ochib, ajdodlar merosining yoshlar tarbiyasidagi beqiyos ahamiyatiga to‘xtalib o‘tdi. Kecha davomida Navoiy va Bobur asarlaridan namunalar o‘qildi, sahna chiqishlari namoyish etildi. Iqtidorli yoshlarning chiqishlari ishtirokchilarda katta qiziqish uyg‘otdi.