Hashar davomida mahallalar hududlari obodonlashtirilib, ko‘chalar va ichki yo‘llar tozalandi, chiqindilar olib chiqildi, yashil hududlar tartibga keltirildi. Shuningdek, daraxtlar oqartirilib, gulzorlar parvarish qilindi, ijtimoiy obyektlar atrofi obod qilindi. Ayni paytda tuman hududida joylashgan qabristonlarda ham keng ko‘lamli tozalash va obodonlashtirish ishlari amalga oshirildi. Qabristonlar atrofi tozalandi, chiqindilar va qurib qolgan shox-shabbalar yig‘ishtirildi, yo‘laklar tartibga keltirildi. Bu ishlar marhumlar xotirasiga hurmat, muqaddas maskanlarni pok saqlash maqsadida amalga oshirildi. Mazkur tadbir aholining ekologik madaniyatini yuksaltirish, tuman hududida tozalik va obodonlikni ta’minlash, shuningdek jamoatchilik faolligini oshirishga qaratildi.