Tadbir davomida mahalla nuroniylari, faollar va jamoatchilik vakillari bir dasturxon atrofida jam bo‘lib, Ramazon oyining ma’naviy ahamiyati, insonni sabr-toqat va yaxshilikka chorlovchi fazilatlari haqida fikr almashdilar. Samimiy suhbatlar, duo-tilaklar va ezgu niyatlar muhitga alohida fayz bag‘ishladi. Ushbu xayrli tashabbus orqali nafaqat iftor dasturxoni yozildi, balki mehr-oqibat, saxovat va bag‘rikenglik kabi qadriyatlar amalda namoyon etildi. Ehtiyojmand oilalar holidan xabar olish, ularni qo‘llab-quvvatlash va ko‘nglini ko‘tarish tadbirning asosiy maqsadiga aylandi. Bunday ezgu ishlar Ramazon oyining ruhiy barakasini yanada kuchaytirib, jamiyatda o‘zaro hurmat va hamjihatlik muhitini mustahkamlashga xizmat qiladi.