1. Бош сахифа
2. Янгиликлар

ҚАДАМИНГ ҚУТЛУҒ БЎЛСИН, НАВРЎЗ!

×

Бугун Тошлоқ тумани марказий ўйингоҳида "Олам нурга тўлсин сен билан, Наврўз!" деган бош ғоя асосида умумхалқ сайли ҳамда концерт дастури кўтаринки руҳда ва юқори савияда ўтказилди.
Дастлаб, байрам иштирокчилари миллий ҳунармандчилик буюмлари, баҳорий таомлар кўргазмаси, спортчи ёшларнинг кўргазмали чиқишлари, миллий ўйинлар мусобақаларини томоша қилдилар.
Байрам тантанасида Тошлоқ тумани ҳокими Абдуқаҳҳор Джурабаев сўзга чиқиб, туман аҳолисини юртимизга қутлуғ қадамлар билан кириб келган баҳор, яшариш ва янгиланиш айёми — Наврўзи олам билан чин қалбдан самимий муборакбод этди.
Байрам тадбирида элимиз суйган хушовоз хонандалар ижросидаги дилрабо тароналар, кўнгилочар дастурлар, бадиий ҳаваскорлик ва фольклор жамоаларининг чиқишлари барчага байрамона кайфият ҳамда кўтаринкилик бахш этди.
Айниқса, халқимиз суйган санъаткорлари Илҳом Иброхимов, Абдужалил Қўқонов ҳамда Отабек Муҳаммадзохидларнинг дил тортар куй ва қўшиқлари барчага байрам кайфиятини улашди.
Тошлоқ туманида Наврўз байрамига бағишланган бунёдкорлик, яратувчанлик, хайр-саховат тадбирлари давом этмоқда.