1. Бош сахифа
2. Янгиликлар

«БЕШ ТАШАББУС – БЕШ ИМКОНИЯТ!»

×

Президентимиз томонидан илгари сурилган бешта муҳим ташаббусни амалга ошириш мақсадида Тошлоқ туманидаги 17-умумий ўрта таълим мактабида «Беш ташаббус – беш имконият!» шиори остида маънавий-маърифий тадбир бўлиб ўтди.
Унда Республика ишчи гуруҳи аъзолари, Тошлоқ тумани ҳокими Абдуқаҳҳор Джурабаев, сектор раҳбарлари, Мактабгача ва мактаб таълими бўлими вакиллари, ўқитувчилар ва ўқувчилар ҳамда уларнинг ота-оналари иштирок этдилар. 
Тадбирда ўқувчиларнинг табиатга бўлган меҳрини ошириш мақсадида "Гуллар ва қушлар" байрами,  5-11- синф қизлари ўртасида "Балли қизлар" кўрик-танлови, 9-11-синф йигитлари ўртасида "Ош тайёрлаш" кўрик-танловлари ўтказилди.
Тадбирда сўз олган туман ҳокими мамлакатимизда ёш авлодни маънавий баркамол инсон этиб тарбиялаш, бўш вақтини мазмунли ўтказишни ташкил этиш, уларнинг санъат, спорт, ахборот технологиялари, китоб ўқишга қизиқишини ошириш бўйича бешта муҳим ташаббус доирасида кенг кўламли ишлар амалга оширилаётганини таъкидлаб ўтди.
Шундан сўнг, "Прокурор соврини" учун ўтказилган вилоят босқичида фахрли ўринни эгаллаган ғолиблар фахрий ёрлиқ ҳамда эсдалик совғалар билан тақдирланди. 
Тадбир давомида “Маърифат улашиб" шиори остида Ўзбекистонда хизмат кўрсатган актёр ва актрисалар Гулчеҳра Носирова, Феруза Собитова, Аҳрор Қўшматовлар билан учрашув бўлиб ўтди. Бир сўз билан айтганда мактабда ўтказилган қизиқарли кўрик-танловлар ҳамда машҳур инсонлар билан бўлиб ўтган самимий учрашувлар ёшларда катта таассуротлар қолдирди.