Joriy yilda Qo‘shtepa tumanida 144 ta fermer xo‘jaligida 6 400 gektar maydonga chigit ekish rejalashtirilgan. Hozirgi kunda tumandagi barcha fermer xo‘jaliklarida maydonlarni tayyorlash va chigit ekish ishlari qizg‘in davom etmoqda. Tuman hokimi A.Abdullayev hududlarda bo‘lib, fermer xo‘jaliklarida olib borilayotgan bahorgi yumushlar va chigit ekish jarayoni bilan tanishdi. Tuman rahbari tomonidan fermer xo‘jaliklari rahbarlariga chigit ekish ishlarini belgilangan muddatlarda bajarilishini ta’minlash yuzasidan tegishli ko‘rsatmalar berildi.