Farg‘ona tumani 3-o‘rta ta‘lim maktabida o‘quvchi-yoshlar ishtirokida «Tilni asra, kitobga mehr qo‘y!» shiori ostida seminar-trening bo‘lib o‘tdi. Tadbirda til sofligini saqlash, uni boyitish, nutq madaniyatini rivojlantirish hamda kitobxonlik madaniyatini yuksaltirish masalalariga alohida e‘tibor qaratildi. Seminar davomida tilning jamiyat taraqqiyotidagi o‘rni, uning imkoniyatlaridan to‘g‘ri foydalanish, yosh avlodning ma‘naviy salohiyati va tafakkurini oshirishda kitobxonlikning ahamiyati xususida fikr almashildi. Tadbirda Farg‘ona viloyati hokimining ma‘naviy-ma‘rifiy ishlar samaradorligini oshirish, davlat tili to‘g‘risidagi qonun hujjatlariga rioya etilishini ta‘minlash masalalari bo‘yicha maslahatchisi Sohibjamol Tongotarova ishtirok etib, til madaniyati va kitobxonlikni rivojlantirish yo‘nalishida amalga oshirilayotgan ishlar yuzasidan o‘z fikr-mulohazalarini bildirdi. Seminar ishtirokchilari tilga hurmat, kitobga mehr qo‘yish jamiyatning intellektual va ma‘naviy taraqqiyotida muhim o‘rin tutishini ta‘kidlab, bu borada o‘z taklif va fikrlarini bildirdilar.