Buvayda tumanida “Tashabbusli byudjet” loyihasida g‘olib deb topilgan tashabbuslarni hayotga tatbiq etish borasida amalga oshirilgan ishlar yuzasidan matbuot anjumani bo‘lib o‘tdi. Mazkur tadbirda Buvayda tumani hokimining 1-o‘rinbosari Maxsitaliyev Dostonbek ishtirok etib, jamoatchilikka “Tashabbusli byudjet” doirasida amalga oshirilgan ishlar, loyihalar va ularning ahamiyati haqida ma’lumot berdi. Shuningdek, Buvayda tumani Iqtisodiyot va moliya bo‘limi bosh mutaxassisi Holmatov Sarvarjon “Tashabbusli byudjet” loyihasining 2025-yil 1-mavsumi natijalari va jamoatchilik fikri asosida shakllangan tadbirlarni moliyalashtirish bo‘yicha axborot berdi. Anjumanda ta’kidlanganidek, mazkur loyiha mahallalardagi muammolarni hal etishda fuqarolarning bevosita ishtirokini ta’minlash bilan birga, ularning hudud rivojiga qo‘shgan hissasini oshirishga xizmat qiladi. Tadbir davomida jurnalist va blogerlar o‘zlarini qiziqtirgan savollariga javob olishdi. Bunday ochiq muloqotlar kelgusida ham davom ettirilishi rejalashtirilgan.