Vatanimiz sarhadlari va tinchligini asrash, uning yaxlitligini saqlashda O'zbekiston Respublikasi Qurolli Kuchlari va uning safida farzandlik burchini sidqidildan ado etayotgan askar va zobitlarning hissasi beqiyos. Qizilqiyoq mahallasida joylashgan 12494 harbiy qism tashkil etilganligining 26 yilligiga bag'ishlab tantanali tadbir o'tkazildi. Tadbirda tuman hokimi, ma'muriy sektor rahbari Sayidbahrom Sayidmusayev, tuman prokurori Sadirali Mirzokarimov, tuman ichki ishlar bo'limi boshlig'i Qosimjon Rahimberdiyev, tuman davlat soliq inspektsiyasi boshlig'i Faridjon Turaboyev, tuman mudofaa ishlari bo'limi boshlig'i Erkinjon Ibragimovlar ishtirok etdi. Tadbirda so'z olgan tuman hokimi barcha harbiy qism askar va zobitlarni bayram bilan tabrikladi. Tadbir davomida bir guruh harbiy qism askarlari va xizmatchilariga faxriy yorliq, navbatdagi unvon va qimmatbaho sovg'alar taqdim etildi. Harbiy qism komandiriga ham tuman hokimligi va boshqa tashkilotlarning esdalik sovg'alari topshirildi. Tadbir davomida harbiy qism xizmatchilarining bayramona paradi o'tkazildi. Harbiy xizmatchilarning mahoratini namoyish etuvchi amaliy chiqishlar va mashqlar ham tadbir ishtirokchilariga o'zgacha zavq ato etdi. So'x tumani hokimligi Axborot xizmati