Appeals of legal entities and individuals received through the website
Total appeal: 38Statistics phone helpline
Қишлоқ хўжалиги: истиқбол ва самара
2022-08-23 10:11:10 209
Қишлоқ хўжалиги соҳасида амалга оширилаётган ҳаётбахш ислоҳотлар ўз самарасини бермоқда. Бугунги кунда Тошлоқ туманида аксарият фермер хўжаликлари кўп тармоқли хўжалик мақомига эга бўлиш учун астойдил ҳаракат қилётгани эътиборга сазовордир.
-“Зарбдор 45 кунлик” доирасида белгиланган барча агротехник тадбирларни сифатли бажаришга муваффақ бўлмоқдамиз,-дейди тумандаги “Акмал ғурури” фермер хўжалиги раҳбари Акбарали Маъмуров. – Бу борада туманда ташкил этилган Expo Kollor Prin Teks пахта-тўқимачилик кластери томонидан барча керакли маҳсулотлар ўз вақтида етказиб берилмоқда.
Фермер хўжалиги тасарруфидаги 68 гектар ерда парваришланган “Наманган-77” навли пахтадан мўл ҳосил етиштирилди. Дастлабки ҳисоб-китобларга кўра, биринчи теримнинг ўзида ҳар гектар ердан ўртача 35-40 центнер ҳосил олиш кўзда тутиляпти. Шу тариқа фермер хўжалиги аъзолари ҳар гектар ердан камида 45 центнердан ҳосил олишни мақсад қилишган.
Айни пайтда фермер хўжалигининг 12 гектар ерида томчилатиб суғориш технологияси жорий этилган. Шунингдек, хўжаликнинг 73 нафар аъзолари учун 5 гектар суньий балиқ кўли, 5 гектар интенсив олма боғи, 50 бош мол-қўй, 10 сотих ерда ташкил этилган иссиқхона хўжаликнинг қўшимча даромад манбаи ҳисобланади. Даромад ҳисобига кейинги йилларда 5 та замонавий қишлоқ хўжалиги техникалари сотиб олинди.
