Appeals of legal entities and individuals received through the website
Total appeal: 38Statistics phone helpline
ТОШЛОҚДАГИ МАҲАЛЛАЛАРДА ЁШЛАР УЧУН “BOOK KAFE”ЛАР ФАОЛИЯТ ЮРИТМОҚДА
2022-09-09 16:26:02 253
Мамлакатимизда ёшларни таълим олиши, касб-ҳунар эгаллаши учун замонавий шароит ва имкониятлар яратилмоқда. Шу билан бирга, ёшларнинг бўш вақтини мазмунли ўтказиш борасида ҳам жойларда бир қатор ишлар амалга оширилмоқда.
Айниқса, қишлоқларда ёшлар ўртасида китобхонликни ривожлантириш, уларни китоб ўқишга қизиқтириш, ёшларни бўш вақтини мазмунли ва мароқли ўтказиш мақсадида “Зиё масканлари” ҳамда “Book cafе” лар ташкил этилмоқда. Хонариқ МФЙда фаолиятини бошлаган “Book cafе”да ёшлар учун барча шароитлар яратиб берилган. Хусусан, бадиий адабиётлар, бепул интернет тармоғи йўлга қўйилган бўлиб, аҳоли бу ерда доимий равишда мароқли ҳордиқ чиқармоқда.
-Бўш вақтимизни мазмунли ўтказиш учун жуда яхши бўлди,- дейди Диёрбек Акрамов. Кечга яқин бу маскан ёшларга тўлиб кетади. Кимдир китоб ўқиш билан, кимдир бепул интернетдан фойдаланиш билан машғул. Кутубхонамизда барча зурур бўлган адабиётларни топасиз. Мароқли ҳордиқ чиқариш учун тадбиркор томонидан барча шароитлар яратилган. Салқин ичимликлар ҳамда музқаймоқлар сотуви йўлга қўйилган. Хонариқ МФЙ ёшлар етакчиси Маъмура Турдиалиева ҳар куни биз билан суҳбатда бўлади. Ундан керакли ёрдам ва маслаҳатларни оляпмиз.
Найман МФЙ ҳудудида янги иш бошлаган “Book cafе”да ҳам “Wi-fi” зона ҳамда кутубхона ёшлар иҳтиёрига топширилган. Ушбу масканда маҳалла ёшлари бўш вақтини мазмунли ва мароқли ўтказмоқдалар.
Дарҳақиқат, туманимиз чекка қишлоқларида ташкил этилаётган бу каби масканлар ёшларимиз учун ажойиб туҳфа бўлмоқда. Ташкилотчилар томонидан аҳолига яна бир қулайлик яратиш мақсадида “Wi-fi” зоналар Аҳмад Фарғоний номидаги Фарғона вилоят Ахборот кутубхона маркази билан ҳамкорликда марказий кутубхонанинг электрон базасига уланувчи QR кодли электрон китоблар манзиллари билан таъминланмоқда.
