Appeals of legal entities and individuals received through the website
Total appeal: 38Statistics phone helpline
МЕҲР НУРИ ЁҒАР ДОИМ, ЮЗИНГИЗДАН УСТОЗЛАР!
2022-09-30 21:08:29 436
Тошлоқ туманида 1 октябрь – Ўқитувчи ва мураббийлар куни кенг нишонланиб, улуғ зот саналмиш устозларга ҳурмат ва эҳтиром кўрсатилмоқда.
Ушбу кун муносабати билан туман халқ таълими тизимида меҳнат қилаётган фидоий ўқитувчилар ҳамда меҳнат фахрийлар учун байрам тадбири ташкил этилди.
Байрам тадбирини туман ҳокими Абдуқаххор Джурабаев табрик сўзи билан очиб устозларни самимий муборакбод этар экан, муҳтарам Президентимиз раҳбарлигида мамлакатимиз тараққиёти ва халқимиз турмуш фаровонлигини ошириш, хусусан, халқ таълими тизимини ривожлантириш, фарзандларимизнинг етук ва баркамол авлод бўлиб камол топиши йўлида олиб борилаётган кенг кўламли ислоҳотлар жараёнида сиз азиз устозларнинг ҳам муносиб ҳиссангиз катта эканлигини мамнуният билан таъкидлаб ўтди.
Тадбир давомида бир гуруҳ соҳа фидоийларига фахрий ёрлиқ, ташаккурнома ва байрам совғалари топширилди. Шундан сўнг, янграган шўх куй-қўшиқлар ва беғубор рақслар байрамга ўзгача файз қўшди.
