Обращения юридических и физических лиц поступившие через веб сайт
Всего обращений: 38Статистика телефон доверия
ТОШЛОҚЛИК ЗИЁРАТЧИЛАР ҲУРМАТ-ЭҲТИРОМ БИЛАН КУТИБ ОЛИНДИ.
2022-07-23 15:20:34 217
Ватандошларимизнинг Ҳаж ибодатларини мукаммал адо қилишлари учун имконият эшикларининг очилгани, жонажон юртимизда диний соҳада амалга оширилаётган ишларнинг бир намунасидир.
Бугун, Тошлоқ тумани зиёратчилари Муборак сафардан қайтиб келишди. Туманимиз ҳокимлиги, туман фаоллари ва бошқа бир қанча кутиб олувчилар иштирокида жами 58 нафар зиёратчиларимиз туман марказида кутиб олинди.
Ҳожиларнинг кўзларидаги қувонч ёшлари муқаддас маконларда жонажон юртимиздан борган зиёратчиларга нечоғлик улуғ шароитлар яратилганини кўрсатиб турибди. Зиёратчиларимиз мамлакатимиз раҳбариятига ўз миннатдорчиликларини билдириб, уларнинг ҳақларига муқаддас зиёратгоҳда кўплаб дуолар қилганларини мамнуният билан изҳор этишди.
Тошлоқ тумани ҳокимлиги ахборот хизмати.
