1. Главная страница
2. Новости

БУНЁДКОРЛИК: ТОШЛОҚДАГИ МАҲАЛЛАЛАР ЙЎЛЛАРИ АСФАЛЬТ ҚИЛИНМОҚДА

×

    Бугун юртимизнинг қай бир ҳудудига борманг улкан бунёдкорлик ишларига гувоҳ бўласиз. Айниқса, йўлсозларимиз томонидан маҳаллалардаги ички йўллар тез ва сифатли қилиб таъмирланмоқда. Маълумки, Тошлоқ туманининг олис ва чекка ҳудудларида ҳам ободонлаштириш-бунёдкорлик ишлари олиб борилмоқда. Бугунги кунда Сўкчилик, Ахшакгузар, Қумқишлоқ МФЙларда бу борадаги ишлар жадал олиб борилмоқда. 

      Сўкчилик МФЙ ҳудудидаги Хилол кўчасида 3 км йўлни асфальтлаш ишлари сифатли қилиб якунланди. Ушбу кўча асфальтлаштириш таклифи «Очиқ бюджет» ахборот порталидаги «Менинг йўлим» лойиҳасида ғолиб деб топилган эди. 1 миллиард 50 миллион сўмлик маблағ эвазига кенг ва равон йўллар барпо этилди. Туманда олиб борилаётган бунёдкорлик ишлари натижасида Ахшакгузар МФЙ ҳудудида пиёда йўлаклари янгидан асфальтланиб, аҳоли ихтиёрига топширилмоқда.

      Шу кунларда Қумқишлоқ маҳалла фуқаролар йиғинининг Афсона кўчасида 1,5 километр йўлни асфальтлаш ишлари олиб бориляпти. Бу ишга Тошлоқ йўллардан фойдаланиш унитар корхонасининг замонавий техникаси, 20 нафар малакали ишчи-мутахассислари жалб этилган.

Тошлоқ тумани ҳокимлиги ахборот хизмати