1. Главная страница
2. Новости

ТОШЛОҚДА ЁШЛАР ЎРТАСИДА ЁЗГИ БИАТЛОН СПОРТ ТУРИ БЎЙИЧА ВИЛОЯТ КУБОГИ МУСОБАҚАСИ ЎТКАЗИЛДИ.

×

Туманда ёшларни ҳарбий ватанпарварлик руҳида тарбиялаш ва спортга бўлган қизиқишини янада ошириш, ёшлар ўртасида соғлом турмуш тарзини тарғиб қилиш, ёшларни спортнинг техник ва амалий турларига кенг жалб қилиш ва жисмонан баркамол қилиб тарбиялаш, Республика мусобақаларида муносиб иштирок этувчи кучли ва иқтидорли ёшларни аниқлаш мақсадида бир қатор спорт мусобақалари ўтказилмоқда.
         Ўзбекистон Республикаси мудофаасига кўмаклашувчи "Ватанпарвар" ташкилоти Тошлоқ туман ўқув спорт техника клубига қарашли автомобилларни бошқаришни ўргатувчи майдончасида ёш спортчилар ўртасида ёзги биатлон спорт тури бўйича вилоят кубоги мусобақаси ўтказилди.
         Мусобақада ҳар бир туман шаҳар ЎСТК (Авто М) лардан ёзги биатлон спорт тури бўйича терма жамоалар иштирок этди. Якуний натижаларга кўра, 2001-2007 йиллар оралиғида туғилган ўғил болалар ўртасида 1-ўрин Тошлоқ ЎСТК  спортчиси Самандар Усмоновга, 2-ўрин ВТ ва АСТМ спортчиси Шахзод Ахмаджоновга, 3-ўрин Данғара ЎСТК спортчиси Ахатжон Қурбоновларга насиб этди. 2002-2007 йиллар оралиғида туғилган қиз болалар ўртасида 1-ўринни ВТ ва  АСТМ спортчиси Нафосат Муҳаммаджонова, 2-ўринни ВТ ва АСТМ спортчиси Одина Арабова ҳамда 3-ўринни Бешариқ ЎСТК спортчиси Саида Исомиддиновалар эгалади. 
    Вилоят мусобақасида фахрли ўринларни эгаллаган спортчилар қимматбаҳо совғалар ва дипломлар билан тақдирландилар.