1. Главная страница
2. Новости

АСОСИЙ МАҚСАД АҲОЛИ РОЗИЛИГИ

×

ошлоқ туманида аҳоли фаровонлигини таъминлаш, халқимизга қулай шароитларни яратиб бериш мақсадида маҳаллаларда айниқса, олис қишлоқларда кенг кўламдаги бунёдкорлик ишлари олиб борилмоқда. Ҳудудларда аҳолининг мурожаатлари ўз вақтида ўрганилиб, бартараф этиш учун чора-тадбирлар амалга оширилмоқда. Айниқса, йўл қурилиши, электр таъминоти ҳамда ичимлик сувини етказиб беришга алоҳида эътибор қаратилмоқда. 
       Ана шундай саъй-ҳаракатлардан бири бугун Хўжаариқ МФЙдаги Хоразм кўчасида бошланди. Дастлаб, мутасадди ташкилот ва корхона раҳбарлари аҳоли билан учрашиб, уларнинг мурожаатларини ўргандилар. Аҳоли томонидан билдирилган мурожаатлардаги масалаларни ҳал этиш мақсадида қурилиш-таъмирлаш ишларига киришдилар. Хусусан, аҳолини қийнаб келаётган йўл муаммоси ҳам ўз ечимини топди.
    Тошлоқ туман йўллардан фойдаланиш унитар корхонаси томонидан йўл қурилиши учун зарур техникалар, ишчилар жалб этилди. Аҳолига тоза ичимлик сувини етказиб бериш мақсадида сув таъминоти корхонаси мутахассислари қурилиш-монтаж ишларини олиб бормоқдалар. Бундан ташқари аҳолига узлуксиз электр энергиясини етказиб бериш мақсадида ҳам электр узатиш тармоқлари ва трансформатор пунктлари кўздан кечириб, зарурий чоралар кўрилмоқда. 
     Бир сўз билан айтганда, Хоразм кўчасида истиқомат қилаётган аҳолининг узоқ йиллар мобайнида ечимини кутаётган муаммолари бартараф қилиниб, эзгу орзу - истаклари рўёбга чиқадиган бўлди.