1. Бош сахифа
2. Янгиликлар

Хонариқда "Сектор раҳбари ва ёшлар учрашуви" ўтказилди

×

Тошлоқ тумани ҳокими, 1-сектор раҳбари Абдуқаҳҳор Джурабаев "Хонариқ" маҳалла фуқаролар йиғинида яшовчи 20 нафарга яқин ёшлар билан учрашди.

Учрашув аввалида сектор раҳбари мамлакатимизда ёшларга берилаётган эътибор, туманимиздаги ёшларнинг бугунги кундаги ташаббускорлиги, ижодкорлиги ҳақида фикр билдириб, туманимизда улар учун яратилган шарт-шароитлар, тадбиркорлик фаолиятлари билан шуғулланиш истагини билдираётган фуқаролар, айниқса ёшларга ажратилаётган имтиёзли кредитлар ҳақида тўхталиб ўтди. 

Шундан сўнг ёшларнинг мурожаатларини тингланди. Тадбир давомида ўндан ортиқ ёшларнинг мурожаатлари, таклифлари эшитилиб, 6 таси шу ернинг ўзида ҳал этилди. Ўрганиш ва муддат талаб этган мурожаатлар эса назоратга олинди. 

Сектор раҳбари тадбир давомида ҳудуддаги мавжуд муаммолар, уларнинг ечим топиши учун амалга оширилаётган тизимли ишлар ҳақида ҳам маълумотлар берди.