1. Бош сахифа
2. Янгиликлар

Viloyat hokimi Toshloq tumanida barpo etilgan yangi yirik korxonalarni koʻzdan kechirdi

×

Viloyat hokimi Xayrullo Bozorov viloyat sektorlari rahbarlari bilan birga Toshloq tumanidagi boʻlib, “Agro Impex Valley Marketing” MCHJ tomonidan barpo etilgan, jihozlash ishlari yakunlanayotgan “Amira Textile” korxonasida boʻlib, yangi yoʻlga qoʻyilayotgan tekstil va trikotaj mahsulotlarini ishlab chiqarish liniyasi bilan tanishdi. Korxonada poyafzal ishlab chiqarish ham koʻzda tutilgan boʻlib, yaqin kunlarda xorijdan keltirilgan dastgohlarni oʻrnatilishi boshlanadi.
Qariyb 65 mlrd. soʻmlik loyiha tadbirkorning oʻz mablagʻi hamda xorijiy kredit liniyasi hisobiga amalga oshirilayotgan boʻlib, Yaponiyadan va Xitoydan keltirilgan zamonaviy texnologiyalar bilan jihozlandi. Korxona toʻla ishga tushishi natijasida 500 ta ish oʻrni yaratiladi.
Viloyat hokimi Yuqoriqishloq MFY Qalacha mahallasida “Exsport Import Quality” meva-sabzavotchilik klasteri tomonidan amalga oshirilayotgan qishloq xoʻjaligi mahsulotlarini qayta ishlash, tashish va saqlash loyihasini ham borib koʻrdi. Bu yerda barpo etilgan limonchilik issiqxonasida amalga oshirilgan ishlar bilan tanishdi.
Har ikki manzilda tadbirkorlar bilan muloqot davomida loyihalarni toʻla ishga tushirish bilan bogʻliq masalalar hamda ish oʻrinlarini koʻpaytirish imkoniyatlari muhokama qilindi.