1. Бош сахифа
2. Янгиликлар

БОЛАЖОНЛАР УЧУН ЯНА БИР ТУҲФА

×

Юртимизда мактабгача таълим тизимини такомиллаштириш, уларнинг моддий-техника базасини янада мустаҳкамлаш, болаларни мактабгача таълим ташкилотларига қамраб олиш борасида кенг кўламли ишлар амалга оширилмоқда. 

     Хусусан, Тошлоқ туманида ҳам мактабгача таълим тизимида бир қатор ижобий ишлар амалга оширилиб, тарбияланаётган болаларга барча шарт – шароитлар яратиб берилмоқда. Туман мактабгача таълим бўлимига қарашли 15-сонли кўп тармоқли ихтисослаштирилган давлат мактабгача таълим ташкилотида жорий таъмирлаш ишлари қурувчилар томонидан тез ва сифатли қилиб якунига етказилди. 140 ўринга мўлжалланган бино тўлиқ таъмирдан чиқарилиб, болажонлар учун кенг ва ёруғ хоналар фойдаланишга топширилди. Қурилиш-таъмирлаш ишларига маҳаллий бюджетдан 640 миллион сўм маблағ ажратилди. Мавжуд 8 та гуруҳлар замонавий ҳамда юмшоқ мебеллар билан тўлиқ таъминланди.   

     Бугун Тошлоқ тумани ҳокими А.Джурабаев боғчада амалга оширилган таъмирлаш ишлари билан яқиндан танишди. Болажонлар учун гуруҳларда, хусусан, ётоқхонада, машғулот хоналарида ҳамда ошхонада яратилган шароитларни кўздан кечирди.

Тошлоқ тумани ҳокимлиги ахборот хизмати