1. Бош сахифа
2. Янгиликлар

МУҚАДДАС ҚАДАМЖОЛАР ВА ЗИЁРАТГОҲЛАРНИ ОБОДОНЛАШТИРИШ ИШЛАРИГА АЛОҲИДА ЭЪТИБОР ҚАРАТИЛМОҚДА

×

Инсон маънавияти ўз хотиралари манбаида ривож топади. Хотира ва қадрлаш инсон ақл заковатининг улуғ неъмати, таъбир жоиз бўлса, ҳеч қачон унутилмайдиган абадий ва ардоқли одамийлик мезонларидандир. Мазкур тушунчалар қаърида инсонга, унинг хотирасига, қадр-қимматига эҳтиром туйғуси мужассамдир. 
       Ўзбекистон Республикаси Вазирлар Маҳкамаси ҳузуридаги дин ишлари бўйича қўмитанинг Тошлоқ туман бўлими раҳбари Т.Абдуллаев, Ўзбекистон ХДП туман ташкилоти раиси, туман кенгаши депутати Т.Солиев ҳамда Арабмозор МФЙ раиси  Р. Нурматовлар "Саидбурхон Эшонбува" қабристони ҳамда Давлат муҳофазасига олинган, эрамиздан аввалги I-асрга мансуб моддий-маданий мерос объекти бўлган "Арабмозор" тарихий тепалигини, "Саидбурхон Эшон" жоме масжидларини  зиёрат қилиб, уларнинг сақланиши, тозалигига ва ободонлаштирилишига эътибор қаратдилар.
      Мавжуд зиёратгоҳларни янада асраб-авайлаш, сақлаш ва озодалигини таъминлаш борасида мутассадиларга тегишли тавсиялар берилиб, мазкур вазифаларни бажариш юзасидан депутатлик назорати ўрнатилди.