1. Бош сахифа
2. Янгиликлар

ТОШЛОҚ ТУМАНИДА «ОНАЛАР БОҒИ» ТАШКИЛ ЭТИЛДИ

×

Айни кунларда республикамиз бўйлаб «Яшил макон: долзарб 40 кунлик» лойиҳаси доирасида кўчат экиш тадбирлари бўлиб ўтмоқда. Тошлоқ туманида ҳам “Яшил макон” умуммиллий лойиҳаси доирасида гўзал боғ-роғлар барпо этиш мақсадида манзарали ва мевали дарахт кўчатлари экилмоқда.  
      Жумладан, тумандаги Ахшак маҳалласи ҳудудидаги 2 гектар фойдаланишдан чиққан ер майдонида «Оналар боғи» ташкил этилди. Янги боғда кўчат экиш ишларида туман ҳокими ўринбосари - оила ва хотин-қизлар бўлим бошлиғи У.Марасулова, фаол хотин-қизлар ҳамда кўнгилли аҳоли вакиллари қатнашди.
     Боғда экилган ҳар бир кўчатни парвариш қилиш, ўз вақтида суғориш бўйича масъуллар тайинланиб, зарур тавсиялар берилди.