1. Бош сахифа
2. Янгиликлар

“ТАШАББУСЛИ БЮДЖЕТ”: ИЖТИМОИЙ СОҲАЛАР ЗАМОНАВИЙ ЖИҲОЗЛАР БИЛАН ТАЪМИНЛАНМОҚДА

×

   Икки йилдан буён юртимизда “Ташаббусли бюджет” доирасида ажратилаётган маблағлар ҳудудларда яшовчи аҳолининг йиллар давомида йиғилиб қолган энг долзарб муаммоларига ечим бўляпти.
   Тошлоқ туманида "Ташаббусли бюджет" жараёнининг 2-босқичи давомида фуқаролар томонидан 153 та таклифлар овоз бериш жараёнига ўтказилган. Якуний натижаларига кўра энг кўп овоз олган 6 та лойиҳа ғолиб деб топилган. Президентимиз ташаббуслари билан 2 мингтадан ортиқ овоз тўплаган қўшимча 4 та лойиҳа ғолиб деб топилди. 
   “Ташаббусли бюджет” жараёнининг 2-босқичи натижалари бўйича жами 8 млрд. 400 млн сўмлик 10 та таклифлар ғолиб деб топилган бўлиб, ажратилган маблағлар эвазига қурилиш-таъмирлаш ишлари бошлаб юборилган. 
    Хусусан, энг кўп овоз тўплаган туман тиббиёт бирлашмасига 950 миллион сўмлик рақамли рентген аппарати ва замонавий УЗИ диагностика аппарати келтирилди. Эндиликда қабул диагностика бўлимидаги замонавий аппаратлар аҳолига сифатли тиббий хизматлар кўрсатади. 
    Бундан ташқари, 12-умумтаълим мактабига ўқувчилари учун 800 миллион сўмлик замонавий мактаб жиҳозлари ҳам етказиб берилди.
    -“Ташаббусли бюджет”нинг иккинчи босқичи жараёнида фаол қатнашиб,  2250 та овоз тўплаб ўқув жиҳозлари учун маблағ ютиб олдик,-дейди тумандаги 12-умумтаълим мактаби директори Толибжон Рустамов.  – Айни кунларда синф хоналар, фаоллар зали ҳамда ошхоналар тўлиқ янги жиҳозлар билан таъминланмоқда. Бу эса келгусида мактабимизда таълим сифатини янада оширишда ўзининг ижобий самарасини кўрсатади.