ТОШЛОҚЛИК ЖУМАГУЛХОН ЖАББОРОВА "БЕШ ТАШАББУС ОЛИМПИАДАСИ" РЕСПУБЛИКА БОСҚИЧИ ҒОЛИБИ БЎЛДИ
×
2022-12-09 08:58:55 192
PDF юклаш
Чоп этиш
Яқинда "Беш ташаббус олимпиадаси" доирасида спортнинг Стол тенниси тури бўйича Республика босқичи бўлиб ўтди. Давлатимиз раҳбарининг жорий йил 11 апрелдаги “Маҳаллаларда ёшларни оммавий спортга жалб қилишни янги босқичга олиб чиқиш чора-тадбирлари тўғрисида”ги қарорида маҳаллаларда ёшларнинг оммавий спорт билан шуғулланишлари учун моддий-техник базани мустаҳкамлаш ва спорт иншоотларини замонавий спорт жиҳозлари билан таъминлаш, шунингдек, имконияти чекланган ёшлар учун тегишли спорт инфратузилмасини яратиш оммавий спортни ривожлантиришнинг асосий йўналишлари этиб белгиланди. Спортнинг Стол тенниси тури бўйича Республика босқичи жорий йилнинг 4-6 декабрь куни Жиззах вилоятида бўлиб ўтди. Мусобақада Тошлоқ тумани Чек МФЙдан Жумагулхон Жабборова 27-30 ёш тоифасида "С"лига бўйича қатнашиб, фахрли биринчи ўринни эгаллади. Мусобақа ғолиби Жумагулхон Жабборовага Чек МФЙга "Универсал спорт майдончаси" қурилиши учун сертификат топширилди.
