ТУМАН ҲОКИМИ КОММУНАЛ СОҲАЛАРДАГИ АВАРИЯ-ДИСПЕТЧЕРЛИК ХИЗМАТИНИНГ ТУНГИ ВАҚТДАГИ ФАОЛИЯТИ БИЛАН ТАНИШДИ
×
2022-12-16 17:16:52 195
PDF юклаш
Чоп этиш
Маълумки, мамлакатимизда об-ҳавонинг кескин ўзгариши туфайли коммунал соҳаларда кўплаб муаммолар юзага келмоқда. Муаммоларни ўз вақтида бартараф этиш мақсадида Тошлоқ туманида узлуксиз, туну кун навбатчилик штаби ташкил этилиб, мутасадди раҳбарлар аҳолидан келиб тушаётган мурожаатларни тезкор равишда бартараф этиш чораларини кўрмоқдалар. 15 декабрь тунги вақтда туман ҳокими Абдуқаххор Джурабаев коммунал соҳаларда аҳоли мурожаати бўйича амалга оширилаётган ишларни ўрганди. Туман ҳокими ҳамда ишчи гуруҳ туман электр тармоқлари корхонасида бўлишиб, корхона раҳбарига аҳолини сифатли электр энергияси билан таъминлаш ва график асосида электр энергиясини етказиб бериш ҳамда туманнинг қайси ҳудудида носозлик туфайли электр энергиясида узилиш содир бўлса, ўз вақтида аниқлаб, аниқланган ҳудудга тезкорлик билан етиб бориб, носозликларни бартараф этиш бўйича тегишли кўрсатма ва топшириқлар берди. Навбатдаги манзил туман газ таъминоти корхонаси бўлди. Туман ҳокими корхонада узлуксиз ишлаётган диспетчерлик хизмати фаолияти билан танишар экан, аҳолидан тушаётган мурожаатларни қай тарзда бажарилишига эътибор қаратди. Эслатиб ўтамиз: Аҳоли мурожаатлари бўйича қуйдаги телефон рақамлар туну кун хизмат кўрсатмоқда. Тумани газ таъминоти корхонаси: (91) 654-00-04; (90) 834-44-71;(73) 238-07-14,238-08-14, 104 (ишонч телефони)Туман электр таъминоти корхонаси:(95)200-22-16, (90) 535-55-92; (91) 650-20-20, (73) 238-22-16; 238-21-16 (95)-402-13-48(диспетчер)
