БУГУН ХАЛҚ ДЕПУТАТЛАРИ ТОШЛОҚ ТУМАНИ КЕНГАШИНИНГ 64-СЕССИЯСИ БЎЛИБ ЎТДИ
×
2022-12-21 17:55:28 214
PDF юклаш
Чоп этиш
Унда сессия кун тартибига киритилган масалага даҳлдор ташкилот ва муассасалар раҳбарлари иштирок этди. Сессия ишини Тошлоқ тумани ҳокими, халқ депутатлари туман Кенгаши раиси Абдуқаххор Джурабаев очди ва олиб борди. Сессия кун тартибида қуйидаги масалалар кўриб чиқилди. Туманда инвестицион лойиҳалар доирасида амалга оширилган ишлар, жиноят ишлари бўйича Тошлоқ туман суди томонидан 2022 йилнинг ўтган 9 ойи маобайнида туманда одил судловнинг фаолияти, Ўзбекистон Республикаси Президентининг 2021 йил 3 декабрь кунги ПҚ-31-сонли Қарор ижросини таъминлаш борасида Тошлоқ туманида амалга оширилган ишлар, Ўзбекистон Республикаси Президентининг 2022 йил 10 сентябрдаги ПҚ-373-сонли қарори ижросини таъминлаш борасидаги вазифалар, Ўзбекистон Республикаси Президентининг 2022 йил 25 октябрь кунги “2022-2023 йилларда маҳаллалар инфратузилмасини янада яхшилаш бўйича қўшимча чора-тадбирлар тўғрисида”ги ПҚ-408-сонли қарорига асосан Тошлоқ туманида амалга оширилаётган ишлар, туманда “Аёллар дафтари”, “Ёшлар дафтари” доирасида амалга оширилган ишлар, “Cаҳоват ва кўмак” жамғармаси маблағларини сарфланиши ҳамда Ўзбекистон Республикаси Президенти Ш.М.Мирзиёев раҳбарлигида 2022 йил 5 май куни кенгайтирилган тарзда ўтказилган видеоселектор йиғилишининг 38-сонли баёни ижросини таъминлаш бўйича туман тиббиёт бирлашмасида амалга оширилган ишлар тўғрисида ҳисоботлар тингланди. Халқ депутатлари туман Кенгаши депутатлари томонидан муҳокама, таклиф ва мулоҳазалардан сўнг қарор лойиҳаси депутатлар томонидан бир овоздан қабул қилинди.
