Аввал хабар берганимиздек жорий йилнинг 16-21 декабрь кунлари Бухоро шаҳрида спортнинг “Турон” яккакураши бўйича 2007-2008 ва 2009-2010 йилларда туғилган ўсмирлар ўртасида Қозоғистон, Қирғизистон, Тожикистон, Туркманистон, Туркия ва Покистон давлатларидан ташриф буюрган ёш спортчилар ўртасида “Осиё кубоги” спорт мусобақалари ўтказилди. Қувонарлиси ушбу мусобақаларда Тошлоқлик спортчилар Фарғона вилояти шарафини муносиб ҳимоя қилишиб, мусобақада иштирок этган- Ғуломқодиров Муҳаммадазиз Фарходжон ўғли 1-ўрин- Эргашев Муҳаммадюсуф Авазбек ўғли 2-ўрин- Абдуҳамидов Абдувоҳид Абдурашид ўғли 3-ўринни қўлга киритиб ғолиб ва совриндорлар сафидан жой олишди. Бугун 10-умумий ўрта таълим мактабида мусобақа иштирокчилари ва совриндорларини тақдирлаш маросими ўтказилди. Тадбирда туман ҳокими ўринбосари Э.Мадаминов ва Ёшлар ишлари агентлиги туман бўлими раҳбари Д.Юлдашевлар ҳамда кенг жамоатчилик вакиллари иштирок этди. Тадбирда сўз олган туман ҳокими ўринбосари Э.Мадаминов мусобақада иштирок этган спортчилар ва уларнинг ота-оналарини ушбу ғалаба билан муборакбод этиб, спортчиларга ташкилотчиларнинг эсдалик совғаларини топширди.
.jpg)
