Маълумки, жорий йилда Тошлоқ туманида сув таъминоти тизимини янада яхшилаш ҳамда аҳолига сифатли ва хавфсиз ичимлик суви етказиб бериш борасида тизимли ишлар амалга оширилди. Натижада туманнинг энг олис ва чекка қишлоқларига ҳам тоза ичимлик суви етказиб берилиб, аҳоли муаммолари ҳал этилмоқда. Айни кунларда туманда ичимлик суви таъминотини яхшилаш борасидаги саъй-ҳаракатлар жадал суръатларда олиб борилмоқда. Яккавут МФЙ ҳудудида жойлашган 28-умумтаълим мактабига ҳамда 100 дан ортиқ хонадонларга ичимлик суви қувурларини тортиш ишлари олиб борилмоқда.
