Ҳар йили 9 февраль - буюк бобокалонимиз, шоирлар султони Ҳазрат Мир Алишер Навоий таваллудини кенг нишонлаш анъанага айланган. Бугун Алишер Навоий таваллудига бағишланган тадбирлар Тошлоқ туманининг барча таълим муассасаларида кенг нишонланди. Ҳусусан, 18-умумий ўрта таълим мактабида ҳам Алишер Навоий таваллудининг 582 йиллиги муносабати билан байрам тадбири ташкил этилди. Унда мактаб ўқувчилари ўртасида Ҳазрат Алишер Навоийнинг ғазал ва рубоийларидан айтишувлар бўлиб ўтди. А.Навоийнинг «Ҳамса» достонидаги қаҳрамонлар образларига таърифлар берилди. Тадбирда мактаб ўқувчилари томонидан тайёрланган бадиий чиқишлар, шоир ғазаллари ва рубоийларидан ўқиб берилган парчалар барчага манзур бўлди.
