Айни кунларда Тошлоқ туманидаги барча маҳаллаларда тозалаш ва ободонлаштириш ишлари олиб борилмоқда. Ушбу жараёнларда ариқ-зовурлар, мавжуд гулхоналар чиқиндилардан тозаланиб, тартибга келтирилмоқда. Маҳалла йўллари текисланиб, ташландиқ ётган майдонлар обод қилинмоқда. Тошлоқ туманида олиб борилаётган саъй-ҳаракатлар энг чекка ва олис қишлоқларда ҳам уюшқоқлик билан давом этяпти. Баҳор нафаси кезиб юрган шу кунларда аҳоли кайфиятини кўтариш учун маҳаллаларда сумалак ва шу каби турли кўклам таомлари пишириляпти, кўнгилочар тадбирлар ташкил этилмоқда.
