Юридик ва жисмоний шахслар томонидан веб сайт орқали бўлган мурожаатлар
Жами мурожаатлар: 38Ишонч телефони статистикаси
БАЙРАМ ШОДИЁНАЛАРИ БЎЛИБ ЎТМОҚДА
2023-03-16 17:39:06 249
Шу кунларда юртимиз бўйлаб кенг нишонланаётган Янгиланиш ва яшариш айёми – Наврўз байрами тантаналари Тошлоқ туманидаги корхона ва ташкилотлар, таълим муассасаларида бўлиб ўтмоқда.
Бугун Наврўз умумхалқ байрами муносабати билан тумандаги 43-умумтаълим мактабида тадбир бўлиб ўтди.
Наврўз тантаналари бошлангунга қадар тадбирга ташриф буюрганлар мактабда ташкил этилган чеварчилик, дўппидўзлик, ингилиз ва рус тили тўгараклари фаолияти билан яқиндан танишдилар.
Байрам тадбири давомида мактабнинг иқтидорли ўқувчилари томонидан намойиш этилган рақс дасталари, ижро этилган куй-қўшиқлар йиғилганларга шодлик улашди. Шунингдек, ўзида миллийлигимизни акс эттирган либослар, миллий ҳунармандчилик ва миллий таомлар кўргазмалари ташкил этилиб, бу ерга ташриф буюрганлар кўнглида илиқ таассуротлар уйғотди.
