1. Бош сахифа
2. Янгиликлар

Тошлоқда 22 март - Маҳалла тизими ходимлари куни кенг нишонланди

×

Давлатимиз раҳбари томонидан маҳалла институтининг жамиятимиз ижтимоий-маънавий ҳаётида тутган ўрнини ҳисобга олиб, соҳа ходимларини қўллаб-қувватлаш мақсадида 22 март – “Маҳалла тизими ходимлари куни” деб эълон қилинган эди.
Сана муносабати билан Тошлоқ туманида байрам тадбири бўлиб ўтди.
Унда маҳалла тизимида намунали фаолият юритиб келаётган бешлик ходимлари, нуронийлар ва маҳалла фаоллари таклиф этилди. 
Тадбирда туман ҳокими Абдуқаҳҳор Джурабаев ҳамда сектор раҳбарлари соҳа ходимларини байрам билан самимий муборакбод этдилар.
Туман ҳокими ўз табрик сўзида маҳаллалар равнақи ва фаровонлиги йўлида самарали меҳнат қилаётганларга омад ва куч-ғайрат тилади.
Тадбирнинг концерт дастурида хушовоз санъаткорлар томонидан бетакрор куй-қўшиқлар ижро этилиб, иштирокчиларга байрам кайфияти улашилди.