1. Бош сахифа
2. Янгиликлар

ҒЎЗА ПАРВАРИШИ БЎЙИЧА СЕМИНАР БЎЛИБ ЎТДИ

×

Бугун тумандаги “Навбаҳор саховати” ММТП ҳудудида жойлашган “Навбаҳор оқ йўл саҳовати” фермер хўжалигида ғўза парваришида биринчи комплекс агротехник тадбирларини сифатли амалга оширишга бағишланган семинар бўлиб ўтди.
Семинарда вилоят прокурорининг биринчи ўринбосари М.Назаров, туман ҳокими А.Джурабаев ҳамда сектор раҳбарлари иштирок этди. 
Пахта етиштирувчи фермер хўжаликлари раҳбарлари, кластер ва қишлоқ хўжалиги корхоналари мутахассислари иштирок этган ушбу тадбирда чигит экилган майдонларда тўлиқ ниҳол олиш, ғўза қатор ораларини ягоналаш ва дастлабки ишлов беришни ташкил этиш билан боғлиқ вазифалар хусусида сўз юритилди.
Семинарда туман ҳокими дала ишларини ташкил этиш билан боғлиқ муҳим масалалар, жумладан мавжуд барча култиваторларни отрядларга бириктириб, узлуксиз ишлашини таъминлаш, ғўза майдонларини бегона ўтлардан тозалаш ва ягоналаш ишларини тўлиқ якунлаш, суспензия сепиш каби кечиктириб бўлмайдиган тадбирларни амалга ошириш бўйича топшириқлар берди.
Соҳа мутахассислари культиваторларни ишлатиш тартиби ва уларнинг иш сифатини баҳолаш, ўғит солиш меъёрларини созлаш, ғўза майдонлари ҳамда дала четларига зараркунанда ва ҳашоратларга қарши биомаҳсулотлар, шунингдек кимёвий препаратлар билан профилактик ишлов бериш бўйича тавсиялар бердилар. 
Семинарда ғўза парваришида қатнашаётган механизаторлар ва дала ишчиларини моддий рағбатлантириш масалаларига ҳам эътибор қаратилди.