1. Бош сахифа
2. Янгиликлар

“ҲАР БИР БОЛАГА МЕҲР ЭЪТИБОР” ШИОРИ ОСТИДА БАЙРАМ ТАДБИРИ ЎТКАЗИЛДИ

×

Тошлоқ тумани ҳокимлиги, туман “Маҳалла” хайрия жамоат фонди қошидаги “Саховат ва кўмак” жамғармаси ҳамда туман “Ногиронлар” жамияти томонидан 1 июнь – Халқаро болаларни ҳимоя қилиш куни муносабати билан тумандаги 130 нафар имконияти чекланган, кам таъминланган, ижтимоий ҳимояга муҳтож оила фарзандалари учун байрам тадбири ўтказилди.
Сана муносабати билан тумандаги “Уфқ” тўйхонасига болажонлар ҳамда уларнинг ота-оналари ва яқинлари таклиф этилиб, тўкин дастурхон ёзилди.
Тадбирда туман ҳокими Абдуқаҳҳор Джурабаев болажонларни байрам билан табриклади. Мурғак қалб эгаларига байрам совғаларини улашди. Бу болаларга бир олам қувонч ва шодлик улашди.
Байрам кечасида санъаткорлар томонидан ижро этилган шўх куй-қўшиқлар, болажонларни ўйин кулгулари байрам тадбирига янада файз бағишлади.