1. Бош сахифа
2. Янгиликлар

ТОШЛОҚНИНГ БАРАКА ХИРМОНИ ЮКСАЛМОҚДА

×

2023 йил ғалла ҳосили учун туманда 171 та фермер хўжаликларининг 5070 гектар майдонига барака уруғи қадалган бўлиб, жорий деҳқончилик йилида ўртача ҳосилдорликни 80 центнердан ошириш орқали 40 минг 500 тонна бошоқли дон етиштириш режалаштирилган.
Шу мақсадда ғалланинг “Веха”, “Гром”, “Алексевич”, “Аср” ва  “Безостая-100” навларидан экилди. Белгиланган барча агротехник жараёнлар ўз вақтида бажарилди.
Айни кунларда туманда ғалла ўрим-йиғим мавсуми уюшқоқлик билан олиб борилмоқда.
-45 гектар ерга уруғлик “Безостая” навини экиб, мўл ҳосил етиштирилди,-дейди тумандаги “Боймат Шерматов саховати” фермер хўжалиги раҳбари Жасурбек Шерматов. – Мақсадимиз – ҳар гектар ердан 100 центнердан ҳосил олиш. Кейинги йилларда илмий-инновацион ғоялар фаолиятимизга кенг татбиқ этилаётгани самараси сифатида ҳосилдорлик ва манфаатдорлигимиз салмоғи йилдан-йилга ортиб бормоқда.