1. Бош сахифа
2. Янгиликлар

ТОШЛОҚЛИК СОҲИБЖОН ҲАСАНБОЕВ ОСИЁ ВА ОКЕАНИЯ ЧЕМПИОНАТИ ҒОЛИБИ БЎЛДИ

×

Маълумки, шу йилнинг 7-11 июнь кунлари Қозоғистон пойтахти Астана шаҳрида самбо бўйича Осиё ва Океания чемпионати бўлиб ўтди. Самбо мусобақалари катталар, ўсмирлар ҳамда қизлар шунингдек, кўзи ожизлар ва заиф кўрувчилар ўртасида ўтказилди. Ушбу чемпионатда Осиё қитъасининг 30 га яқин давлатлар самбочилари қатнашдилар. 
Ушбу нуфузли мусобақаларда Ўзбекистонлик спортчилар юқори натижаларни қўлга киритиб, жамоавий ҳисобда 2-ўринни эгалладилар. Умумий ҳисобда спортчиларимиз 7 та олтин, 4 та кумуш, 5 та бронза медаллар соҳиби бўлдилар.  
Қувонарлиси, тошлоқлик Соҳибжон Ҳасанбоев 88 кг вазн тоифасида Осиё ва Океания чемпионати ғолиби бўлиб, олтин медаль соҳиби бўлди.