1. Бош сахифа
2. Янгиликлар

“ЮҚОРИҚИШЛОҚ” МФЙДАГИ 1 КМ.ЛИК ИЧКИ КЎЧА АСФАЛЬТ ҚИЛИНДИ

×

Айни кунларда Тошлоқ туманидаги маҳаллаларда олиб борилаётган кенг кўламдаги бунёдкорлик ишларида тадбиркорлар ҳам ҳомийлик йўли билан ўз ҳиссаларини қўшмоқдалар.
 2-сектор ҳудудидаги “Юқориқишлоқ” МФЙ аҳолиси туман прокурорига “Аҳиллик” кўчасини асфальтлаштиришни сўраб мурожаат қилган эдилар. Муаммони ўз вақтида бартараф этиш мақсадида сектор раҳбарияти ташаббуси билан ҳомийлар жалб этилиб, ҳозирда ушбу кўчада асфальтлаш ишлари олиб борилмоқда.
Маҳалла аҳлини айтишича, ёз, қиш фаслида кўчалар лой ва чанг бўлиб, кўплаб қийинчиликларни келтириб чиқарар эди. Янги асфальтдан сўнг эса кўчалар текис ва равон бўлганлиги, барчани мамнун этганлигини таъкидламоқдалар.