1. Бош сахифа
2. Янгиликлар

ТОШЛОҚДА 1200 ДАН ОРТИҚ ИСТЕЪМОЛЧИЛАРНИНГ ЭЛЕКТР ТАЪМИНОТИ ЯХШИЛАНДИ

×

Тошлоқ туманининг “Қипчоқариқ”, “Варзак”, “Ўзбекистон”, “Арабмозор” ҳамда “Аҳшакгузар” маҳалла фуқаролар йиғинлари ҳудудларини электр энергияси билан таъминловчи 110/35/10 кВли “Деҳқонобод” подстансиясидан чиқувчи 10 кВли “Варзак” электр узатиш тармоғи белгиланган режага асосан мукаммал таъмирланмоқда.
Мутахассислар томонидан узатманинг салқи симларини тортиш ҳамда носоз қисмини янгилаш, носоз изоляторларни янгисига алмаштириш, таянчларни тик ҳолатга келтириш ишлари олиб борилмоқда.
Бу каби олиб борилаётган амалий ишлар натижасида узатма орқали сифатли электр энергияси етказиб берилишига ва келгусида юзага келиши мумкин бўлган узилишлар олди олинишига хизмат қилади.
Таъмирлаш ишлари якунланиши билан узатма орқали электр энергия билан таъминланадиган 1200 дан ортиқ истеъмолчиларнинг электр таъминоти яхшиланади.