1. Бош сахифа
2. Янгиликлар

ҲОКИМ ЁРДАМЧИЛАРИДАН ХАЛҚ МИННАТДОР

×

Тошлоқ туманида бугунги кунда 51 нафар ҳоким ёрдамчилари фаолият олиб бормоқда. Дарҳақиқат, мазкур лавозим жорий этилганидан сўнг аҳолини қийнаб келаётган кўплаб муаммолар ўз ечимини топа бошлади. Буни тумандаги ҳоким ёрдамчиларининг фаолиятлари мисолида ҳам кўриш мумкин. 
–Давлатимиз раҳбари таъкидлаганидек, ҳоким ёрдамчилари, бу – Президентнинг маҳаллалардаги вакили бўлиб, улар ҳар куни аҳоли билан ишлаб, одамларга давлат томонидан яратилаётган молиявий имкониятларни етказиши, қолаверса, тадбиркорлик ва деҳқончиликка ўргатиш орқали камбағалликдан чиқишига хизмат қилувчи инсондир, – дейди “Қанжирға” МФЙ ҳоким ёрдамчиси Сардорбек Эркинжонов.
“Қанжирға” МФЙда хатлов  жараёнида 185 нафар ишсиз фуқаролар аниқланди. Жорий йилнинг сўнгги 6 ойи ичида, 15 нафар фуқарога ўз бизнесини йўлга қўйиш мақсадида 331 миллион сўм кредит олишга амалий ёрдам кўрсатилди.
8 нафар аёлларга субсидия асосида тикув машинаси ҳамда бир нафар фуқарога инкубация дастгоҳи олиб берилди.