1. Бош сахифа
2. Янгиликлар

“ҚАНЖИРҒА” МФЙ АҲОЛИСИ ТОЗА ИЧИМЛИК СУВИ БИЛАН ТАЪМИНЛАНДИ

×

Маҳалла аҳли неча йиллардан буён орзиқиб кутган тоза ичимлик суви хонадонларга етиб келди. Маҳалланинг Фурқат кўчасида янги сув қудуғи қазилди, сув минораси, сув насоси ҳамда трансформатор ўрнатилиб, 5 км 300 метрга сув тармоғи тортилди.
Асосийси, сув минораси олдида тозалов (фильтр) қурилмаси ҳам ўрнатилди. Бу ишлар учун республика бюджетидан 2 млрд. 649 миллион сўм маблағ сарфланди. Натижада МФЙ ҳудудидаги 739 та хонадоннинг 500 таси тоза ичимлик суви билан таъминланди. 
– Қарангки, неча йиллик муаммомиз ҳал бўлиб, кўчамизга ичимлик суви келди, – дейди Фурқат кўчасида яшовчи фуқаро Абдуҳамид Абдуллаев. – Шу кунга қадар 5-6 чақирим масофадан машиналарда олиб келиб ичар эдик.