1. Бош сахифа
2. Янгиликлар

ОИЛАВИЙ БОҒЧАЛАР СОНИ КЎПАЙМОҚДА

×

“Қанжирға” МФЙда ҳоким ёрдамчисининг тавсияси билан ташкил этилган “Звёздочка” номли оилавий нодавлат мактабгача таълим ташкилоти фаолият олиб бормоқда. Шоҳсанамхон Фозилова раҳбарлик қилаётган ушбу мактабгача таълим ташкилоти ҳоким ёрдамчисининг тавсияси билан 35 миллион сўм имтиёзли кредит маблағ эвазига иш бошлаган. Рус тилига ихтисослаштирилган ушбу муассасада ҳозирда 30 нафар болажонлар тарбияланмоқда. 
– 25 йилдирки, ушбу соҳада ишлаб келаман, – дейди Ферузахон Мамедова. – Болаларсиз ҳаётимни тасаввур қила олмайман. Улар билан ишласам, уларга нимадир ўргатсам кўнглимга қувонч киради. Барчаси ўзимнинг фарзандимдек бўлиб қолган. Бу ерда болалар учун барча шароитлар муҳайё. Беш маҳал мазали иссиқ овқат берилади. Болажонларимизнинг ҳар куни боғчамизга ошиқиши ҳам шундан. Ҳоким ёрдамчиси Сардорбекнинг тавсиясига кўра, 3 нафар кам таъминланган оила фарзандини муассасамизга бепул қабул қилдик.