1. Бош сахифа
2. Янгиликлар

ТОШЛОҚ ТУМАНИДА ТАДБИРКОРЛАР УЧУН САЙЁР ҚАБУЛ ЎТКАЗИЛДИ

×

Бугун туман ҳокимлигида тадбиркорлар муаммоларини ўрганиш ва ҳал қилиш бўйича вилоят ишчи гуруҳининг қабули ўтказилди. 
Унда вилоят ҳокими ўринбосари Иқболжон Эргашев, Бизнес-омбудсман вилоят вакили Муроджон Пўлатов, вилоят прокуратураси бўлим бошлиғи Ахмаджон Юнусов, туман ҳокими Абдуқаҳҳор Джурабаев ҳамда сектор раҳбарлари иштирок этди. Қабулда шунингдек вилоятдаги масъул корхона, ташкилот ва бошқармалар, тижорат банклар вакиллари ҳам қатнашди.
Сайёр қабул давомида туманда фаолият олиб бораётган тадбиркорларнинг мурожаат ва таклифлари эшитилди.  Билдирилган мурожаатларда ҳал этилиши мумкин бўлган муаммоларга амалий ечимлар белгиланди, масъулларга тегишли вазифалар юклатилди.
Мулоқотларда тадбиркорлик фаолиятига тўсқинлик қилаётган муаммолар ва уларнинг ечими бўйича таклифлар борасида ҳам фикрлар алмашилди.