1. Бош сахифа
2. Янгиликлар

"ТАШАББУСЛИ БЮДЖЕТ" ТУФАЙЛИ 54-ОИЛАВИЙ ПОЛИКЛИНИКА БИНОСИ МУКАММАЛ ТАЪМИРЛАНМОҚДА

×

Тошлоқ тумани “Қуйи Яккатут” маҳалла фуқаролар йиғинидаги 54-оилавий поликлиника биноси 1989 йилда қурилган бўлиб, ҳозирги кунда таъмирталаб ҳолатга келиб қолган эди. 19304 нафар аҳолига тиббий хизмат кўрсатаётган ушбу оилавий поликлиникада ташаббусли бюджет натижасида таъмирлаш ишлари амалга оширилмоқда.
Узоқ йиллардан буён 54-оилавий поликлиникасида тўлиқ таъмирлаш ишлари бажарилмаётганлиги ташаббусли бюджет жараёнида ўз ечимини топди. Аҳоли ҳамда меҳнат жамоаси лойиҳада фаол иштирок этиб, ғолиб бўлди. Унга кўра, таъмирлаш ишлари учун 1 миллиард 200 миллион сўм маблағ ажратилди.
Айни кунларда қурилиш корхонаси томонидан таъмирлаш ишлари жадал олиб борилмоқда. Қурилиш жараёнларида бинонинг эшик-ромлари тўлиқ янгиланиб, пол қисми алмаштирилади. Ташқи фасад ҳамда хоналар таъмирланади. Замонавий иситиш тизими ўрнатилади.
Таъмирлаш ишлари якунлангандан сўнг, замонавий ҳамда барча шароитларга эга оилавий поликлиника аҳолига сифатли тиббий хизмат кўрсатади.