1. Бош сахифа
2. Янгиликлар

ЖУРНАЛИСТЛАР ИШЛАБ ЧИҚАРИШ КОРХОНАЛАРИ ФАОЛИЯТИ БИЛАН ТАНИШДИ

×

Тошлоқ тумани ҳокимлиги томонидан туманда инвестиция муҳитини яратиш, ишлаб чиқариш корхоналар ҳамда уларда янги иш ўринларини яратиш борасида амалга оширилаётган ишлар юзасидан оммавий ахборот воситалари вакиллари ҳамда блогерлар учун пресс-тур ташкил этилди.
Пресс-тур иштирокчилари “Ёшлар” кичик саноат зонасида жойлашган “Gold Ston Syti ” қурилиш маҳсулотлари ишлаб чиқарувчи корхонасида бўлди. 
Тадбиркор Абдурашид Ўрмонов томонидан йўлга қўйилган корхонада 12 турдаги қурилиш маҳсулотлари ишлаб чиқарилмоқда. Рангли бўёқлар, клей, гапсакардон, травертин маҳсулотлари шулар жумласидан. Маҳсулотлар асосан ички бозорларга йўналтирилган. Шу билан бирга, Қирғизистон, Қозоғистон, Тожикистон Республикалари билан экспорт қилиш учун шартномалар имзолаган.
Умумий қиймати 1 миллиард сўмга тенг лойиҳа доирасида жорий йилда фаолиятини бошлаган ушбу корхонада 10 нафарга яқин иш ўринлари ташкил этилган.
Пресс-тур давомида журналист ва блогерлар ишлаб чиқариш жараёнлари билан яқиндан танишдилар.