1. Бош сахифа
2. Янгиликлар

ТОШЛОҚЛИК СПОРТЧИ ЖАҲОН КУБОГИНИНГ ОЛТИН МЕДАЛЬ СОҲИБИ БЎЛДИ

×

 Жорий йилнинг 22-23 августь кунлари Қирғизистоннинг Чўлпон-Ота шаҳрида самбо бўйича катталар ўртасида жаҳон кубоги баҳслари бўлиб ўтди.

Ушбу мусобақада дунёнинг турли мамлакатларидан самбочилар 24 та вазн тоифасида совринли ўринлар учун кураш олиб боришди. Эътиборлиси, беллашувларда иштирок этган Ўзбекистон терма жамоаси аъзолари умумий ҳисобда 18 та (3 та олтин, 8 та кумуш ва 7 та бронза) медалга эга чиқишди.

Терма жамоамиз сафида совриндор бўлган спортчиларимиздан тошлоқлик  Соҳибжон Ҳасанбоев 88 кг вазн тоифасида олтин медални қўлга киритди.

Бугун Соҳибжон Ҳасанбоевни туман ҳокими Абдуқаҳҳор Джурабаев, сектор раҳбарлари, кенг жамоатчилик вакиллари  ҳамда маҳалла ёшлари туманимизда тантанали  равишда кутиб олдилар. 

Туман ҳокими С. Ҳасанбоевни мамлакатимиз номидан нуфузли мусобақада совриндор бўлганлиги билан самимий муборакбод этди. Спортчига қимматбаҳо ҳамда эсдалик совғаларни топширди.