1. Бош сахифа
2. Янгиликлар

БАЙРАМ ТУҲФАСИ: ЯНГИ СТОМАТОЛОГИЯ КЛИНИКАСИ ОЧИЛДИ

×

Мустақиллигимизнинг 32 йиллиги муносабати билан Тошлоқ туманида бир қатор ижтимоий соҳа объектлари фойдаланишга топширилмоқда.
Жумладан, туман марказида “Second Smile” МЧЖга қарашли стоматология клиникасини очилиши туман аҳолиси учун байрамона совға бўлди.
Тадбиркор Маҳмуджон Азимов томонидан ушбу тиббиёт муассасасига 400 миллион сўмлик тиббиёт жиҳозлари ўрнатилиб, 10 нафар янги иш ўринлари яратилди. Натижада бу ерда катталар учун стоматологик хизмат кўрсатиш, жарроҳлик амалиётини бажариш учун барча шароитлар яратилди.
Очилиш маросимида туман ҳокими Абдуқаҳҳор Джурабаев, сектор раҳбарлари ҳамда кенг жамоатчилик вакиллари қатнашдилар. Иштирокчилар бинода даволанувчилар ва тиббиёт ходимлари учун яратилган шарт-шароитлар билан танишдилар.