Юридик ва жисмоний шахслар томонидан веб сайт орқали бўлган мурожаатлар
Жами мурожаатлар: 38Ишонч телефони статистикаси
ТОШЛОҚ ТУМАНИ ОБОДОНЛАШТИРИШ БОШҚАРМАСИГА ЯНГИ МАХСУС ТЕХНИКАЛАР АЖРАТИЛДИ
2023-09-25 08:58:57 351
Туманимиз ҳудудларини тоза ва обод этишда Ободонлаштириш бошқармасининг меҳнат жамоасини ҳиссаси беқиёсдир. Ушбу соҳа ходимлари ҳар куни эрта тонгда меҳнатга киришиб, кўча ва ҳиёбонларни тартибга солиб, сарамжон-саришта қилмоқдалар.
Ўз ўрнида ободонлаштириш бошқармаси ходимларига муносиб шароитлар яратиш мақсадида туман ҳокимлиги томонидан бир қатор амалий ёрдамлар кўрсатилмоқда. Кейинги йилларда корхонанинг моддий-техника базаси мустаҳкамланди.
Куни-кеча туман ҳокими Абдуқаҳҳор Джурабаев бошқарма ходимларига янги техникаларнинг калитларини топширди. Бошқармага янги юк ташувчи ҳамда сув сепувчи машиналар тақдим этилди. Берилган янги техникаларнинг қиймати салкам 1 миллиард сўмни ташкил этади.
Эндиликда ушбу транспорт воситалари нафақат туман маркази, балки чекка қишлоқларда олиб борилаётган кенг кўламдаги ободонлаштириш ишларида ҳам хизмат кўрсатади.
