1. Бош сахифа
2. Янгиликлар

2- СОНЛИ ДМТТДА "СОҒЛОМ ОВҚАТЛАНИШ КУНИ"ГА БАҒИШЛАНГАН ТАДБИР БЎЛИБ ЎТДИ

×

Туман тиббиёт бирлашмаси томонидан ўтказиб келинаётган “Соғлом овқатланиш куни”га бағишланган тадбирлардан асосий мақсад мактабгача таълим муассасаларида тарбияланувчиларни хавфсиз ва соғлом овқатлантиришни ташкил этиш бўйича олиб борилаётган ишларни такомиллаштиришдир.
Шунингдек мактабгача таълим муассасалари ошхоналарида санитария қоидалари, нормалари ва гигиена нормативларига риоя қилиш, санитария-гигиена ва эпидемияга қарши тадбирлар самарадорлигини ошириш, овқат тайёрлаш учун масъул ходимлар (ҳамширалар, ошпазлар ва омбор мудирлари)нинг билимларини мустаҳкамлашдан иборатдир.
Тумандаги 2-сонли давлат мактабгача таълим ташкилотида  бўлиб ўтган тадбирда мутахассислар томонидан "Тўғри овқатланиш-саломатлик гарови" мавзусида кўргазмалар намойиш этилди.
Тадбирда боғча тарбияланувчилари учун расмлар орқали истеъмолга яроқли бўлган маҳсулотлар кўрсатиб ўтилди. Болажонларга мева ва сабзавотлар тўғрисида батафсил тушунчалар берилди.