1. Бош сахифа
2. Янгиликлар

ТАНЛОВ НАТИЖАЛАРИ АСОСИДА ҒОЛИБ НОМЗОДЛАР АНИҚЛАНДИ

×

Ўзбекистон касаба уюшмалари Федерацияси томонидан ҳудудларда аҳоли муаммоларини ўрганиш ва уларни ҳал этишга кўмаклашиш, бандликни таъминлаш, жиноятчилик ва ҳуқуқбузарликларнинг олдини олиш ва бошқа соҳаларда юқори кўрсаткичларга эришган масъулларни рағбатлантириш учун маҳалла бешлиги учун танловлар ўтказилмоқда.
Жумладан, ҳар йили анъанавий тарзда ўтказиб келинаётган “Энг яхши маҳалла раиси”, “Энг яхши ҳоким ёрдамчиси”, “Энг яхши ёшлар етакчиси”, “Энг яхши хотин-қизлар фаоли”, “Энг яхши профилактика инспектори” танловларини ўтказиш ҳудудларни комплекс ривожлантириш, обод ва фаровонлигини таъминлашга хизмат қилмоқда. 
Танловнинг бу йилги дастлабки туман босқичи Тошлоқ туманида ҳам бўлиб ўтди.
Иштирокчилар томонидан танлов ўтказувчи туман ташкилий қўмитасига тақдим этилган ҳужжатлар, ишланмалар ва фотоальбомлар ҳакамлар ҳайъати томонидан бирма-бир кўриб чиқилиб, баҳоланди.
Танловнинг туман ғолиблари вилоят босқичига йўлланмани қўлга киритдилар.